Kliniske studiar i samarbeid med industri i Helse Vest
Page in English
Felles innmelding av studiar i Helse Vest
Sjukehusa i Helse Vest har ei felles løysing for innmelding av studiar som skal gjennomførast i samarbeid med industri. Vi har juristar som gjennomgår kontraktane og rådgjevarar som set opp budsjett. Sidan kvart sjukehus er ei eiga juridisk einig må ein inngå separate avtalar med det einskilde sjukehus. Våre rådgjevarar sikrar at forskjellar mellom sjukehusa vert tatt omsyn til i avtalene.
Seksjon for forsking og innovasjon ved Helse Bergen HF handterer inngåing av avtalar for:
-
Helse Bergen HF, Haukeland universitetssjukehus (Bergen og omland, i tillegg til regionsjukehus)
-
Helse Fonna HF (Haugesund og omland)
-
Helse Førde HF (Førde og omland)
-
Helse Stavanger HF, Stavanger universitessjukehus (Stavanger og omland)
-
Haraldsplass Diakonale Sykehus AS (Bergen og omland)
Innmelding av ny studie
Når eitt eller fleire av sjukehusa i regionen er valt ut til deltaking i ein studie, må han meldast inn fortrinnsvis gjennom innmeldingsportalen eStudie. Ein kan registrere fleire føretak i same innmelding. I portalen må ein registrere sjukehus og utprøvarar, og studiedokument må lastast opp. Aktuelle dokument er studieprotokoll, laboratorie- og radiologimanualar og til dømes utkast til avtale og budsjett.
Merk at det for tida berre er sjukehusa i Helse Vest som nyttar eStudie til studieinnmelding, sjølv om også andre sjukehus finst i lista. Ein vil få ei automatisk kvittering på innmelding og vil seinare få ein e-post med referansenummer og sakshandsamar.
Om du ønskjer å kontakte oss på e-post, kan du gjere det på kliniske_studier@helse-vest.no
Informasjon om kliniske studiar ved sjukehusa i Noreg er tilgjengeleg på sjukehusas nettsider og på Helsenorge.